بعد السلام
طبعا كل الزملكاويه وبعض الاهلاويه المحترمين فى قمه الحزن للى حصل لنادى الزمالك فى ماتش الفيصلى واللى بيحصل للزمالك من فتره طويله (اكتر من 3 سنين بدون بطوله) - انا شايف ان جمهور الزمالك هو يعتبر من اكبر اسباب نكسه الفريق لانه مش وراه غير شتيمة النادى الاهلى وخلاص وكل ما له علاقه بالنادى الاهلى.جمهور و لعيبه ومدربين حتى الشخصيات الكبيره المحترمه فى الاهلى بتتشتم من جمهور الزمالك
انا كنت بحضر من زمان ماتشات كتير للزمالك بس للاسف اللى بشوفه من الجمهور خلانى مروحش ماتشات تانى
جمهور بيتقلب على فريقه فى لحظه مفيش اى انتماء زى ماحصل فى ماتش الفيصلى. وللاسف كلهم من الرابطه اللى مسمينها رابطه محبى نادى الزمالك ولكنها للاسف مش بتحب الزمالك وبتشجعه على قد انهم بيكرهوا الاهلى.والدليل ان الفريق بيلعب احسن بره ارضه علشان بيكون موجود جمهور فاهم بيشجع الفرقه بإنتماء زى ماتش أهلى جده فى السعوديه وماتش الفيصلى فى الاردن واهلى البرج فى الجزائر
انا بدخل على على اكبر سايت زملكاوى وطبعا معظمكم عارفه . مش بلاقى غير كل شتيمه لما هو احمر وتقريبا بيشتموا فى الاهلى اكتر مابيشجعوا فريقهم
وصوره الغنام خير دليل لاعب الاهلى فى كره السله عمرنا ما سمعنا عنه حاجه وحشه لانه فعلا لاعب خلوق وأخته ايضا معروفه فى الوسط الرياضى
توصل بجمهور الزمالك انه يشتمه ويشتم اخته وامه ويعمله صوره مخله بالمنظر ده
ياريت فعلا جمهور الزمالك يتعلم من جمهور الاهلى